My Digital Clutch .. elegant and sweet!

اليوم بحط لكم صور لاب توبي  او بالاصح:)

Digital Clutch  

  مسمينه جذي لان شكله وايد أنييييق و مميز .. و شلون ما يصير أنيق و اهو من تصميم مصممة أزيااء عالمية

اسمها فيفيان تام

Vivienne Tam

و تعاون بين هالمصممة مع HP

و أصدروا لاب توب بتصميم أنيق و مميز يناسب المرأة العصرية و يكون بحجم النوت بوك (ميني لاب توب) و ينشال كأنه جنطة صغيرة و يناسب ال

Runway look

 

شريته من سنتين .. من يوريكا و اذكر اخذته ب230 كاش .. فعلا لما شريته حسيت ان أنثى بمعنى الكلمة

اول مرة شفته بمجلة ماري كلير العربية (اصدار الكويت) و وقعت في غرامه لوول

كان ودي احصل معاه الماوس الي اهو واير لس مع الجنطة بس ما يابوهم الكويت لكن الاصدار اليديد مال اللاب توب يايبن معاه كل شي و سعره وايد أنسب من مالي بس ما اذكر جم بالضبط 

 

طبعًا بما ان اللي مسويته مصممة أزيااء .. فاهي مسوية التصميم مال اللا توب و يكون من ضمن كوليكشن ربيع صيف 2009 للماركة فكانت الخامات و الطابع الرئيسي للكولكشن بالضبط نفس اللابتوب

شوفوا الصور

 

 

اللي فوق هذه صور للاب توب 🙂 اتمنى انه عجبكم

 

 

 

 

و الحين شوفو صورة المصممة و اهي ماسكة اللاب توب و لابسة نفنوف نفس نقشة اللاب توب

و بما ان المصممة صينية فطبعًا خام النفنوف حرير طبيعي حده رووعة

 

و هذه صوورة من عرض الأزيـــاء اللي كان مع اللاب توب.. شوفوا النفنوف “أقصى اليسار” نفس اللاب توب كذلك

 

 

شوفوا هالجنطة الحرير .. اهي اللي طلعت مع اللاب توب لما شريته

اهي مو جنطة بالمعنى الصحيح .. بس كأنها كلتش احط اللاب توب فيها و اطويها .. تصير جنها جنطة من غير مسكة 

الدعايات حق هاللاب توب

اما الاصدار اليديد من اللاب توب فكان شكله وااااااااااايد مختلف 

نفس المصممة لكن بألوان غير

شوفوا الصور

 

 

 

شوفو نفنوفها! رووعة ياربي روووووووووعة

 

اللابتوب بالـCatwalk

 

 

و هذه سماعات مع اللاب توب .. سوو كيوت!

 

 

أما احل شي بخصوص هاللاب توب ! ان فيلم

The sex and the City

اللي من أساسيات هالفلم اهو الموضة  و الموضة و بس .. استخدموا هاللاب توب و طلع بالفلم

يا بختها اللي عندها هاللاب توب

 

 

اما الصور بخصوص الدعايات حق الاصدار

 

 

 

 

 

هذوله اهمه اللاب توبات الكشخة و بس ! لوول

 

فعلا احس اني محظوظة اني شريت واحد منهم .. صغير و كشخة و واااااايد عملي و في مميزات ما لقيتها بأي لاب توب ثاني

اهمها اني ما احتاج وصلة انترنت .. في مكان حق التشيب “كرت الخط” ادخلها واشبك عادي!

 

اذا كنتي تفكرين تشترين لاب توب نصيييييحة اخذي هذا .. طبعًا الاحمر ما أظن بتلقينه .. بس الذهبي أتوقع بقى منه

 

ما يندرى شلون بيصير شكل اللاب توب الثالث من

Vivienne Tam & HP

 

Can’t wait ! :))

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s